¿Qué vos pecería entamar la xinta con un espectacular bacalláu de la casa, presentáu sobro una base de pataques panaera, con un mueyu preparáu exprofeso pa destacar tolos matices del so saborgu ya’l toque especial que-y dan les aceitunes prietes en rodaxes? albidro que yá tais naguando, y nun ye pa menos.
Pa seguir, nun se podía baxar el nivel d’intensidá, seique esti seya un platu de menor ellaboración, una bona ración de torrendos con güevu fritu y pimientos de Padrón moyaos con unes botelles de Sidra Menéndez Ecológica, con echaor automáticu pa servila.
Cualquier d’estos platos yá sedríen en si una bona cena, pero como somos unos fartones nun quinxemos colar ensin da-y un tastiu a un de los platos principales de Mar de Rinlo, el Pulpu a Feira, que cumplió col nivel de calidá que s’esperaba, tienro y nel so puntu.
Depués de la farturina, ná meyor qu’un paseín pela Sablera Poniente, a un pasu de la sidrería.
Mar de Rinlo – Mariano Pola 2 – Xixón T.984 20 09 78
Pa recibir el PDF de la revista LA SIDRA fai falta tar dáu/da d’alta nel whatsapp de LA SIDRA
