Aquellos que vengan en bicicleta van tener la entrada de baldre

LA SIDRA – Depués de trés díes de sidra y cultura asturiana na que miles de persones averáronse a la Feria de Muestres pa participar del eventu más sidreru de la selmana santa, güei conclúi la Primer Sidre l’Añu con un apertáu programa d’actividaes, ente les que destaquen l’actuación de David Varela con Cantares del llagar, a les trés de la tardi ya’l Concursu de Sidre Casero Fecho en Maera, a partir de la una, con posterior preba de les sidres presentaes. Nun van faltar tampoco les tasties, la preba d’alimentos del paraísu, los xuegos y esportes, el baille y la presentación de llibros.

Güei, Concursu de Sidre Fecho en Maera

Anque yá son munchos los llagareros qu’averaron la so sidre casero a la Primera Sidre l’Añu, a lo llargo de la mañana siguirán recibiéndose les sidres a concursu dende llagares de toa Asturies, siendo esti un de los pocos concursos a los que concurren llagareros de tol país.

Esti concursu propónse caltener viva la tradición de faer sidra en toneles de madera, una práctica que va perdiédose a favor de los –más cómodos- depósitos d’aceru. La maera apurre calter a la sidre y matices que l’aceru nun pue añedir, pero tamién ye ciertu que rique más trabayu y que les posibilidaes de tener dalgún problema na correcta fermentadura son mayores. Son munchos los llagareros, sobremanera caseros, que consideren qu’esos matices estra y el caltenimientu de la tradición merecen la pena l’esfuerciu y a ellos ye a los que queremos reconocer el so llabor con estos premios.

A lo llargo de la mañana va tener llugar les deliberaciones del xuráu, presidíu por Manuel Busto, que va escoyer ente la sidra presentada aquella que meyores característiques organolépticas presente, una xera difícil ya que se trata de sidre nuevo, esto ye, qu’en munchos casos nun completó’l so procesu de fermentadura.

Programa

Domingo

Entrada gratis a quien venga en bicicleta

• 12:00 Apertura de puertes
• 13:00
• Escenariu principal
• Concursu de Sidra casero fecho en maera
• Espaciu Unesco
• 13:30 Espaciu Unesco: Sidres internacionales. Charra y degustación
• 14:30 – Espaciu pabellón
• Entrega premios
• Prueba de les sidres presentaes al Concursu de Sidra Casero

• 15:00 – Escenariu Principal
• Actuación: David Varela ‘Cancios del llagar’

• 16:00 – Espaciu Unesco
• Presentación del Libru Muyeres del Llagar

• 16:30 – Espaciu Unesco
• Tastia d’Alimentos del Paraisu – Miel del Valle de Cervigao con sidre Exner

• 18:00 Preslle
• Tol díi: Sidra a llibre disposición en barra y en toneles, Banda de gaites El Gumial, Xuegos infantiles, esportes tradicionales y talleres d’artesanía, barra de comida.