La XV Primer Sidre l’Añu superó con ésitu’l retu d’enllenar de folixa, cultura y sidre la Feria de Muestres, con 10.000 asistentes y más de 17.000 llitros de sidre
LA SIDRA – Cuatro díes; más de diez mil asistentes -ensin cuntar los cientos de menores qu’entraron colos sos pas-; 17.000 llitros llargos de sidre de 50 productores, tantu asturianos como internacionales; dolce tasties de sidre y otres tantes d’Alimentos del Paraisu; cuatro conciertos, cuatro presentaciones de llibros, cuatro conferencies, cuatro talleres d’ellaboración de sidre’l duernu; un monologuista, dos talleres d’echar sidre, cinco puestos d’artesanía en vivu, 24 participantes nel Concursu de Sidre Casero fecho en maera; incontables carreres de sacos, competiciones de cuerda, partíes de cuatriada, tiros a la llave y a la xaronca. 33 hores de sidre llibre, de bailles, de gaita, de bon ambiente… esi podría ser el resume d’esta quinceava edición de la Primer Sidre l’Añu.
Tou ello ensin que se produxera dengún percance, lo mesmo qu’en toles ediciones anteriores, porque magra los llitros de bébora disponible la xente va pasálo bien y a esfrutar, siendo munchos los fieles que repiten añu tres d’añu, siguiendo a la Primera Sidre l’Añu d’allugamientu n’allugamientu pa nun perdese nin una edición.
Ente los ésitos del certame queremos destacar la fuerte presencia non solo de menores, que vienen coles sos families a esfrutar de les actividaes programaes pa ellos, sinón de mocedá, qu’allega en masa a esti eventu, consiguiendo ún de los mayores retos del sector sidreru na actualidá, ello ye, averar la sidre a la xuventú asturiana.
Tamién hai que poner de relieve l’ésitu de les tasties y prebes d’alimentos del paraísu, que xeneraron gran interés y enllenaron siempres l’aforu, siendo’l comentariu más frecuente “esto ta bonísimo, pero ¿Ónde se merca?” lo que nos devuelve al eternu problema asturianu de la falta de marqueting de los escelentes productos que s’ellaboren nel país.
En resume, otra Primer Sidre l’Añu superada con ésitu, creciendo y ameyorando. L’añu que vien, más.
Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.
/**
* Create the mega-menu.js file in your theme's JavaScript directory
* (e.g., your-theme/js/mega-menu.js) and paste the following Vanilla JavaScript code into it:
*/
