Charra sobre la Cultura Asturiana de la Sidra en Valdornón

La Asociación de vecinos La Raposa de Valdornón continúa colos sos homenaxes a la Cultura Asturiana de la Sidre, nesta ocasión con una charra 

LA SIDRA – El sábadu 28 de marzu a les siete de la tardi la Casa Rubiera acoyerá una charra de Llucía Fernández Marqués (redactora de la Revista LA SIDRA) sobre la Cultura Asturiana de la sidre ya’l procesu p’algamar el reconocimientu de la Unesco.

L’actu ensiértase dientro de les actividaes que dende l’asociación dediquen a la sidre asturiana y la so cultura, con ocasión de la declaración de Padremuñu Inmaterial de la Humanidá el pasáu fin d’añu. Asina, el mes d’avientu cellebraron un concursu amateur d’echar sidre ya’l doce d’abril tendrán otru actu nel que sedrán protagonistes los llagares caseros de la redolada.

Dende l’asociación afirmen que quieren “que la mocedá conoza al mundu de la sidra de manera integral y non a cencielles vean una botella”.

Darréu la conferencia abriráse un alderique pa con tolos presentes y l’actu finará con una espicha “de traxe” na que los asistentes compartirán lo que lleven pa picar.