Cider Cities aconceya cola Cámara Comerciu Cork

Demientres la mañana de llunes 24, la representación de Cider Cities entrevistósr con representantes de la Cámara Comerciu de Cork –Irlanda- a quien fixeron entrega d’una carta de saludu ya invitación de la so homóloga de Xixón

LA SIDRA.- La see de la Cámara Comerciu de Cork foi onde tuvo llugar la recepción de la embaxada asturiana de Cider Cities compuesta por Carme Pérez, Anzu Fernández y Marcos A. Fernández, per parte de los representantes de dicha Cámara Tim Garde, Cathal Mcsweeney y Mónica Valdés, pa conocer de primer man lo que ye esta Rede Europea de la Sidre y la Mazana, quién son los sos miembros anguañu, qué oxetivos escuerre y cuálos son los sos proyeutos inmediatos.

Los representantes de la Cámara Comerciu de Cork amosaron enforma interés en conocer toles posibilidaes de Cider Cities como ferramienta para desendolcar aspeutos económicos que puen interesar al texíu empresarial de Cork venceyáu a la producción de sidre, zusmios y mazana, asina como al turismu rural y la ecosostenibilidá.

N’una intensa y granible xunta na que Eamon Lucey (Stonewell) fixo les primeres presentaciones, esplicóse que la Cultura asturiana de la sidre foi apocayá reconocíaa pola UNESCO como Padremuñu Cultural Inmaterial de la Humanidá, datu qu’espertó l’interés nos representantes de la Cámara Comerciu por Asturies y la so vinculación cola sidre.

La delegación asturiana espunxo de volao la tradición y la importancia económica del seutor sidreru y del sidraturismo en Asturies. Coles mesmes demostraron la capacidá de llideralgu a nivel internacional que tres catorce ediciones consiguióse col Salón Internacional de les Sidres de Gala –SISGA- que ye’l xerme del que surde Cider Cities, al compartir intereses y problemátiques comunes ente los distintos países con un venceyu común de la sidr y la mazana.

Como resultáu de la xunta, los representantes de la Cámara Comerciu de Cork manifestaron el so interés en formar parte de Cider Cities y en conocer les condiciones en qu’ello seya posible, sumando amás la so intención a la que pueda surdir de les mesmes autoridaes del Conceyu y de Conseyu del Condáu de Cork.

Coles mesmes, la delegación asturiana aprovechó p’apurrir personalmente una carta del Presidente de la Cámara Comerciu de Xixón, Félix Baragaño, dirixía al so homólogu de Cork, Rob Horgan, na que lu convida a asistir a la prósima edición del SISGA que va tener llugar en Xixón en setiembre d’esti añu.