Los llagareros artesanales xixoneses aconceyen el prósimu 21 de febreru p’aniciar l’asociación del llagareros de sidre casero de Xixón
LA SIDRA.- Na anterior xunta participaron llagareros de Cabueñes, Pinzales, Somió, Deva, Mareo, Sotiello, Porceyo, Ruedes, Peñaferruz, La Pedrera y Llantones, alcordando denominase ‘Culete Moyáu’, y citar a tola xente interesao en formar parte de dicha asociación pa esti 21 de febreru a les 19 hores na see de l’asociación vecinal de Ruedes, en convocatoria abierta, seyan productores o aficionaos a la sidea casero.
L’oxetivu ye poner en valor la sidra casero y favorecer el relevu xeneracional, esfrutar de la pasión pola mazana, les pumaraes, la sidre y la cultura que l’arrodia, dar puxu a la sidre casero y consiguir que la cultura asturiana de la sidra, apocayá reconocida pola UNESCO como Padremuñu Cultural Inmaterial de la Humanidá, se tresmita a les nueves xeneraciones.
Ente los sos impulsores atópense auténtiques personalidaes del mundiu la sidre casero, como Rufino Pérez, llagareru de Somió conocíu en cuantos eventos se cellebren alrodiu la sidre casero, o Eudardo Alcázar, que lleva tiempu entamando’l concursu de sidre casero na collación de Caldones.
