L’Ayuntamientu Nava vien d’espublizar les bases del concursu de cartelos anunciadores del “XXXIX Festival de la Sidre de Nava, 2016”.
LA SIDRA.- Un añu más convócase esti concursu que dotará al Festival de la Sidre de Nava, de la so imaxe publicitaria. El plazu pa la presentación finará’l prósimu 29 d’abril (inclusive) y nel cartelu tendrá de figurar el testu: “XXXIX Festival de la Sidra Nava, 2016 8, 9 y 10 de julio” indesplicable ya inxustificablemente, nes bases nun contemplen la so versión en llingua asturiana.
El concursu, referencial nes sos carauterístiques y que xeneralmente cunta con una perimportante participación, establez un únicu premiu de 1.500 €, pal autor o autores del cartelu ganaor, ensin que nes bases figure la fecha na que se tomará talu determín.
