La Sidrería La Montera Picona de Ramón acoyerá les deliberaciones del concursu, que sedrán abiertes al públicu
LA SIDRA.- Ya ta abierta la recoyida de sidre pa la XV edición del concursu Meyor Primer Sidre L’Añu, ún de los concursos más importantes del país no que cinca a númberu participantes, y únicu na so especialidá: la primer sidre del añu en cursu, 2025, ensin trasegar.
El certame, entamáu pola FUNDACIÓN ASTURIES XXI, tendrá llugar na sidrería xixonesa La Montera Picona de Ramón y cuntará con dos fases, una primer escoyeta de la que saldrán les cinco sidres finalistes y una final na que s’escoyerá la Meyor Primer Sidre del añu 2025, qu’habrá de ser la sidre oficial de la XV Primer Sidre l’Añu, del 17 al 20 d’Abril na Feria de Muestres.
L’asistencia a les deliberaciones sedrá abierta al públicu, espérandose la presencia de los llagareros finalistes, y al términu del concursu los asistentes que lo deseyen podrán prebar la sidre clasificao..
El xuráu tará presidíu por Manuel Busto y pal serviciu d’echáu cuntaráse col magníficu equipu d’echaores de La Montera Picona de Ramón, pente los qu’alcontramos dellos de los primeros clasificaos nel Campionatu Oficial d’Echaores d’Asturies.
Va 15 años LA SIDRA y la Fundación Asturies XXI apostaron pola recuperanza de la sidre ensin trasegar, que d’aquella práuticamente desapareciere del mercáu pola industrialización de los llagares y l’aplicación xeneralizada de los trasiegos. Anguañu son abondos los llagares que s’animen a comercializar esta triba de sidre y que participen nesti certame.
Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.
/**
* Create the mega-menu.js file in your theme's JavaScript directory
* (e.g., your-theme/js/mega-menu.js) and paste the following Vanilla JavaScript code into it:
*/
LA SIDRA.- Ya ta abierta la recoyida de sidre pa la XV edición del concursu Meyor Primer Sidre L’Añu, ún de los concursos más importantes del país no que cinca a númberu participantes, y únicu na so especialidá: la primer sidre del añu en cursu, 2025, ensin trasegar.
