Fundáu en 1977 por Pablo Juanes y Carmen Pérez, esti negociu familiar foi modernizándose ensin perder la sencia d’un restorán que se convirtión nun referente de la gastronomía asturiana.
LA SIDRA.- El Saúco, qu’esti añu pasáu cellebró’l so cuarenta aniversariu, convirtióse nun restorán de referencia de la gastronomía asturiana. Un chigre de los de tola vida que supo evolucionar col pasu’l tiempu, pero ensin perder la sencia del negociu qu’aniciaron en 1977 Pablo Juanes Y Carmen Pérez, pas d’Eduardo, anguañu propietariu que siguió la estela de los sos proxenitores. Por esto, nun añu tan especial pa ellos, la direición del restorán asitiáu nel Barriu la Sidre de Xixón, quier dar “les gracies a los veceros pola so fideliá demientres estes cuatro décades, tamos encanciaos del ciñu recibíu y queremos aprofitar pa desea-yos una Feliz Navidá”.
El restorán cunta col “Llagar de Pablo”, un comedorín pa espiches, con una decoración acuridiada y unes semeyes que mos permiten percorrer la cultura sidrera y la so tradición. Tami´ne tienen un gran comedor pa une s90 presones; una espectacular terraza demientres tol añu; y un ampliu espaciu na fastera de sidrería onde, amás de percorrer la hestoria dela familia al traviés de les imaxes, puen degustase los sos platos y tapes, asina como saborguiar la sidre de Castañón y su DOP, Val de Boides, Cortina, y la DOP de J. Tomás, Molín del Medio.
