Ente les actividaes del festival destacó una visita guiada a pumaraes de sidre
LA SIDRA.- N’Ortigueira xúncese’l miel y la mazana. La pasada fin de selmana la “feira do mel” cellebró la so trixésima edición; un alcuentru a la que se xunó recientemente la “feira da mazá”. Nesta feria una de les actividaes que más llamó l’atención ente los asistentes foi una visita guiada a pumares de mazana de sidre de la fastera nun intre en que tan en plena temporada de collecha.
Pero non too quedó na visita a los pumares, los asistentes al festival tamién pudieron esfrutar bebiendo sidre, amás de mils y estremaos productos tradicionales como castañes, quesos y cerveza artesanales, y claro, mariscu. Amás tamién lleváronse a cabu estremaes actividaes tanto pa los adultos como pa los más piqueños de la casa como xuegos populares gallegos. Pa los mayores y cocinines, un taller d’aperitivos de mazana y miel impartíu pola aosciación de muyeres “Ortigueira ente fogones”
Dende fai cuatro años qu’ún de los oxetivos del conceyu y dar puxu a la mazana y el so cultivu con estremaos oxetivos, como la ellaboración de sidre. Sigún los sos entamaores, esta fruta ye “abonda en tola contorna” que cunta con piqueñes pumaraes de calter familiar.
