Mañana acaba’l plazu pa votar polos nominaos nesti premiu de la Federación d’Asociaciones de Celiacos d’España –FACE-, ente los qu’hai una importante presencia asturiana.
LA SIDRA.- Estos Premios FACE, convocaos cola fin de “reconocer y dar puxu al llabor y compromisu col colleutivu celiacu y valorando’l so calter práuticu” permite la votación popular ente los candidatos propuestos poles asociaciones miembros de FACE.
El plazu pa votar fina’l 1 de xunu, y siendo la presencia asturiana importante, a poco que se-y dea un emburrión ye más que posible tener a dalgún asturianu ente los ganaores, munchu más si ente toos aprofitamos la xornada que mos queda pa faer efeutivu’l nuesu votu.
Ente los candidatos asturianos tan: Bollu sin gluten, Embutidos la Unión, Min panettones –Adpan, Isacel de Cangas y la Sidrería Abareque, de Lluis Nel Estrada.
Una oportunidá pa puxar pol comerciu llocal, los productos asturianos y les empreses asturianes, qu’aparte de ser del país, tienen la calidá como norma perriba de cualisquier otra consideranza. ¡Da-yos el to votu!
