Dellos artículos de la revista apaecen na ueb GijonOnline
LA SIDRA.- Arguyosos. Asina ye como Mos sentimos viendo l’aceutación ca vegada mayor que percibimos per parte de los nuesos llectores.
Tantu na edición impresa como na so versión dixital, la revista LA SIDRA va sumando siguiores comenenciudos en tolo que se mueve alrodiu d’esti maraviosu mundiu, tantu nel ámbitu nacional como internacional.
Tres la repercusión que tuvo la nuesa postrera portada, na que s’amuesa a contralluz a un echaor profesional ensin ropa, cuasique comparable a la una de les nueses imaxes más esitoses, la d’un mineru echando sidre delantre de les barricaes, ye agora la plataforma dixital n’inglés GijonOnline quien se fai ecu de les nueses espublizaciones.
Asina, nes sos postreres noticies apaecen artículos llocales como la rellativa a visitantes británicos al Xardín Botánicu, ya internacionales, como’l Cume de Chicago o los nuevos enclinos en sidre como la Snakebite.
Seyaa como fora, ca vegada tenemos una mayor presencia n’otros medios y eso ye daqué que mos arguyez.
¡Munches gracies a toos!
https://paper.li/gijononline#/
