Del 4 al 7 febreru la CiderCon aconceya en Chicagu a amantes de la sidre de tol mundiu.
LA SIDRA.- Esti mes de febreru la ciudá de Chicagu acueye una de les más importantes conferencies mundiales pa profesionales de la sidre, una oportunidá única pa deprender, compartir y faer contautos nel alrodiu sidreru internacional.
En CiderCon analizaráse y debatiráse sobro la sidre dende les más variaes perspeutives, el puntu vista social, económicu, de produición, de curiáu de les pumaraes, de les nueves tendencies y la evolución del mercáu.
La Revista LA SIDRA tará acreítada ellí, pa conocer de primer man l’actualidá sidrera internacionaly participar nes actividaes, eventos y seminarios que se sucederán demientres cuatro díis, del cuatru al siete febreru y de les que diremos informando puntualmente a los nuesos llectores al traviés de les nueses redes sociales.
