El CIFP d’Hostelería y Turismu de Xixón respuende a la demanda hestórica de formar echaores de sidra p’ameyorar la calidá del serviciu y dar rempuesta a la ca vegada mayor necesidá d’estos profesionales pa les sidreríes
LA SIDRA.- Con esti nuevu módulu de Formación Profesional “La sidre y el so serviciu”, pioneru, y únicu esistente fasta la fecha, el CIFP d’Hostelería y Turismu de Xixón da rempuesta a l’alta demanda de profesionales del echáu de sidre, con un nivel formativu que garantice les debíes conocencies de lo que ye la sidre, les sos carauterístiques, la so cultura y la forma de sirvila… ente otros conteníos.
El módulu va empecipiar nel cursu 25/26, y col mesmu la sidra asturiano equipararáse coles mesmes condiciones y pesu al vinu, que yera la única asignatura específica qu’esistía fasta anguañu, y que s’imparte en tol Estáu.
L’estudiu de “La sidre ye l so serviciu” va ser obligatoriu pa los alumnos el segundu cursu del ciclu de grau mediu de Servicios en Restauración y va constar de 88 hores llectives y dos o trés selmanes de práutiques en sidreríes, pa lo que’l mentáu CIFP yá ta roblando convenios con sidreríes.
Juan Luis García va ser l’encargáu d’impartir dichu módulu, quien reclamó una mayor atención a los/es echaores, como motor de la cultura sidrera, darréu qu’ensin ellos nun hai sidreríes y ensin sidreríes nun hai sidre, reclamando de la mesma que dicha formación suplementario tamién se vea reflexao nel sueldu que perciban.
En “La sidra y el so serviciu” impartirán conocencies d’hestoria de la sidra, pomoloxía de la mazana, desplicación sobro la DOP y el Conseyu Regulador de la Sidre, ellaboración, servicios y carauterístiques de la sidre del mercáu y seguridá ya hixene nel serviciu, realizándose tamién cates empuestes pa identificar collores, arumes y saborgos básicos y conociminetos de maridaxe pa saber cuála ye la meyor opción p’acompangar les estremaes tribes de sidre.
Too ello, como esplica Juan Luis García, dende un puntu amenu y dinámicu por que resulte afayaízo cara a un futuru insertamientu llaboral.
