El Conseyu Ministros aprebó güei un rial decretu que regula la norma de calidá de la sidre incorporando nueves categoríes.
LA SIDRA.- La sidre de xelu, l’arumatizao, el cóctel de sidre… incluso la sidre light van pasar a tener reconocencia oficial con esta nueva llexislación que sustitúi y deroga l’anterior normativa de 1979 y que supunxo toa triba de restriciones inxustificaes al desendolcu de la sidre asturiano.
El nueu testu va afeutar tanto a los llagareros como a los distribuidores y consumidores, asina como a les industries proveedores de materies primes, regulando la información alimentario facilitao al consumidor y la propia produición.
A falta d’un estudiu posáu de la nueva llexislación, lo cierto ye qu’esta nueva que vien d’aprebase paez que s’avera daqué más a la rialidá de la sidre, y per ende, ta más prósima a otres llexislaciones europees.
En cualisquier casu, persiste’l principal problema: l’ausencia d’una llexislación comunitaria europea pa la sidre, que permita qu’esta puea recibir de la Xunión Europea aídes y sovenciones al mesmu nivel que, por exemplu, el vinu.
