En plena temporada de collecha, la Denominación d’Orixe Protexía trabaya a concenxa pa certificar que tantu llagares como pumaraes cumplen colos parámetros desixíos pol organismu p’algamar “la meyor sidre”
LA SIDRA.- Sigún desplica’l Conseyu Regulaor de la DOP Sidre d’Asturies, la certificación d’orixe y calidá ye un requiloriu ca vuelta más desixíu polos consumidores. Por ello, y dao la importancia de cuntar con ventayes competitives que permitan a un territoriu tener presencia y xorrecer nos mercaos, faise necesario la Denominación d’Orixe Sidre d’Asturies.
Asina, la DOP, ye una marca colleutiva y los beneficiarios son los productores de mazana y de sidre orixinaria d’Asturies que se someten a los controles de calidá impuestos pol Conseyu Tegularor, formáu por ellos mesmos. Pero ¿qué impliquen estos controles? ¿Cuala ye la so fiabilidá? ¿Puen faese trampes? A esto y muncho más respuéndemos el presidente del CRDOP Sidre d’Asturies, Tino Coritna.
