Marc conoz Asturies, y n’Asturies tammién se lu conoz a elli y a les sos sidres, pos ye un llagareru de presencia avezada nel SISGA de Xixón, onde algamare premios nos años caberos
LA SIDRA.- Recién visitare Asturies el llagareru del País del Loira, Marc L’Hommeau, de Domaine de la Mare, en Sargé-lès-le-Mans. Un home interesante asgaya, que nun quier facer una producción mayor que la que tien por mieu a que s’escaeza la identidá de la so sidra; que pon bon procuru na agricultura ecolóxico y que na so casería nun solo fai sidra, sinón tamién cursinos pa que la xente interesao s’anicie nel mundiu la sidra, l’agricultura ecolóxico y nes sidres internacionales.
Ente los sos compromisos ta’l ser el llagareru qu’entamare a tratar les posibilidaes de facer una denominación d’orixe pa la sidra del País del Loira y tamién el de tar faciendo na so fastera promoción de les sidres internacionales y del Salón Internacional de les Sidres de Gala de Xixón.
*Donato X. Villoria
