Entamamos esta llocura de menú con unos espectaculares Champiñones Bomba, de bon tamañu, rellenos y rebozaos como un minicachopu vexetal y cubiertos de quesu fundíu; el nome de “bomba” nun ye casual, al mordelos españa tol so saborgu na boca, algamando la so másima espresión. Seguimos con una Ensalada templada de Llangostinos y xamón, rico y fresco.
Subimos de intensidá -si cabe- con unos callos con patatines, melosos y un plizcu picantinos, pa siguir con un Salteáu de xata al ayu y piña, una propuesta diferente na que la intensidá del ayu refresca col dolzor de la piña, sofitando’l gustu de la xata, de lo meyor del menú, y eso que taben de restallu tolos platos.
Darréu, una ración de Cabritín guisáu, más tradicional pero igualmente saborguiosu y llamativamente tienro.
Pa rematar, triple postre: una tabla de quesos asturianos, Picatoste con xeláu y Tarta de quesu, too ello casero.
Pa beber, escoyemos nesta ocasión la sidre del Llagar de Menéndez, Val d’Ornón.
Sidrería La Ferrería – Cai Laviada 10 – Uviéu / T. 984 08 38 34
