El xueves 11 xunetu naguraráse con una espicha l’aula de cultura ‘Llagar Molín de Tullidi’
LA SIDRA.- Esti molín, del sieglu XVIII, qu’agora se nagura como equipamientu cultural, foi rehabilitáu dafechu, cuntando con:
- Llagar tradicional pa ellaboración de sidre y una recreación d’un chigre de los años 60 con oxetos etnográficos y semeyes cedíes pola comunidá vecinal.
- Fastera espositiva, con una estética más contemporania que simboliza al Onís d’anguañu, el que recoyó’l testigu de la tradición actualizándola pa que siga respondiendo a les sos inquietúes
- Proyeición del micrometraxe ‘Onís en persona’, compuestu por cuatro segmentos coles principales señes d’identidá de la nuesa comunidá.
L’aula de Tullidi foi posible gracies a la implicación y collaboración de los vecinos d’Onís, que non solo aportaren oxetos, illusión y conocimientos, sinon que tamién protagoniza l’audiovisual ‘Onís en persona’
Esti equipamientu cultural enártase nel Plan de Sostenibilidá Turística d’Onís y costitúi un pasu más haza l’oxetivu de costruyir un modelu turísticu más caltenible, más social y más centráu nes persones.
Xúnite a la nuesa canal de WhatsApp
(Visited 2,984,379 times)
