La DOP Sidre d’Asturies presentó ayeri la so nueva escontraetiqueta col mapa d’Asturies y midíes pa blindase de posibles imitacionces
LA SIDRA.- La nueva escontraetiqueta, presentada ayeri na so sé de Villaviciosa lleva tinta invisible y una banda metálica central, que fadrá perabegoso duplicar la imaxe de forma illegal. Arriendes d’ello la nueva imaxe -diseñu de Juan Hernaz- presenta unes llínies “más modernes, llixeres y limpies”. Nel casu de la sidre natural caltiénse’l collor verdi, mentes que nel casu la d’espolleta optaron por tonos prietos y doraos. La banda metálica separta la etiqueta en dos partes, una na que pue lleese “Sidre d’Asturies”, y otra col mapa d’Asturies, que sustitúi al d’Europa qu’había fasta agora. Abaxo de la etiqueta pue lleese l’añu de la collecha y la numberación de la botella.
En pallabres de la direutora xeneral de Desendolcu Rural y Agroalimentación, Mª Jesús Aguilar “Ye importante afayar la imaxe de la DOP Sidre d’Asturies a los nuevos tiempos”.
En principiu la nueva escontraetiqueta coesistirán nel mercáu demientres unos nueve meses, n’especial na sidre d’espolleta, y los consumidores podrán atopar el nueu diseñu dientru d’una o dos selmanes.
