El XXV Congresu de l’Asociación de Xeógrafos Españoles en Madrid foi l’escenariu onde Ana Buergo, de la Universidá d’Uviéu, presentó la so comunicación.
LA SIDRA.- La investigaora Ana Buergo, -cuyes aportaciones a la cultura sidrera foren reseñaes anteriormente nesta revista-, alcuéntrase rializando’l so doctoráu nel Departamentu Xeografía de la Universidá d’Uviéu, cola aída del programa de Formación del Profesoráu Universitariu del Ministeriu d’Educación, Cultura y Esporte y baxo la direición del caderalgu Felipe Fernández.
N’ochobre pasáu, Buergo espunxo una comunicación nel XXV Congresu de l’Asociación de Xeógrafos Españoles –AXE-. Dichu alcuentru tuvo entamáu por –amás de la citada istitución-, el Departamentu de Xeografía de la UAM, y cuntó cola collaboración del Colexu de Xeógrafos. Tres más de 50 años de congresos bienales ininterrumpíos, la AXE quinxo tornar nesti con “memoria y anovaos enfoques”, siñalaron, osbro tres asuntos “vertebrales” de la cencia y la profesión xeográfiques: la ñatura, la ciudá y el territoriu.
