Seleicionaes pol Serida, presentaránse’l viniente martes 27 d’ochobre en Villaviciosa.
LA SIDRA.- El Serida y la Conseyería de Desendolcu Rural y Recursos Naturales entamen la “Xornada de presentación de nueves races de pumar seleicionaes pol Serida”, que tendrá llugar el prósimu martes 27 d’ochobre en la Villa.
La xornada, entamada pol equipu d’Investigación del Programa de Fruticultura del Serida, cordináu por Enrique Dapena, escomenzará a les 10 hores nel Teatru Tiera, con una esposición sobro los resultaos de la seleición de races autóctones y obtenciones del programa de meyora del pumar del Serida, continuando con una visita a la esposición de variedaes del Bancu de Xermoplasma del Pumar del Serida, na casa los Hevia y finará con una visita a les pumaraes esperimentales qu’el Serida tien en Villaviciosa.
Esta xornada ta empobinada tantu a profesionales del seutor comu al públicu en xeneral, y tien l’oxetu de tresferir los conocimientos alquiríos de magar sucesivos trabayos d’investigación sobro’l desendolcu de nueves races de pumar. L’asistencia ye llibre y gratuira fasta completar l’aforu.
Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.
/**
* Create the mega-menu.js file in your theme's JavaScript directory
* (e.g., your-theme/js/mega-menu.js) and paste the following Vanilla JavaScript code into it:
*/
Seleicionaes pol Serida, presentaránse’l viniente martes 27 d’ochobre en Villaviciosa.
