Presentación del Festival de la Mazana en Madrid

Trátase de consiguir que seya declaráu Fiesta d’Interés Turísticu Estatal.

LA SIDRA.- Mañana al meudíi presentaráse nel Cientru Asturianu de Madrid el XXX Festival de la Mazana de Villaviciosa, nun actu nel que participó l’alcalde maliayu, Alejandro Vega, y estremaos miembros de la direutiva de dichu cientru.

Con esta presentación trátase de cumplir la desixencia del Ministeriu d’Industria, Comerciu y Turismu que desixe la promoción d’actividaes a nivel estatal comu condición p’algamar la reconocencia del Festival comu d’Interés Turísticu Estatal, talamente comu foi aprebao pel Plenu villaviciosín na pasada llexislatura.

El Festival desendolcaráse del 9 al 12 d’ochobre y demientres el mesmu tan previstes estremaes actividaes, dende esposiciones y concursos de mazana de mesa y de sidre fasta tasties de mazana, taller d’analís sensorial y preba y tastia de sidre DOP, asina comu’l concursu d’ellaboración de postres de mazana, novedá d’esti añu.