El turrón de sidre y mazana ye güei la imaxe del cupón del ONCE.
LA SIDRA.- La ONCE decidió homenaxar a quien de forma artesanal ellaboren dulces navidiegos por aciu una serie de cupones qu’amuesen los más representativos de cs comunidá autónoma.
Güei el cupón, del cual van distribuyise cinco millones y mediu de papeletes, protagonízalu’l turrón de sidre, un chisgu a la bébora asturiano por escelencia.
La imaxe escoyía correspuende a únde los postres emblemáticos de la confitería Colón, allugada en Villaviciosa, ellaboráu con almendra, zucre y sidre natural que sustitúi a l’agua nel momentu la coción.
L’establecimientu, que participó n’eventos como’l Tour de Francia, los premios Princesa d’Asturies o la Fiesta de la Sidre Natural de Xixón, ye conocíu pola ellaboración de dulces cuyu ingrediente principal ye la mazana.
El so enfotu d’esperimentar y escurrir nuevos productos rellacionaos cola mazana y la sidre llevólos a crear especialidaes como la tarta de sidre, marmiellaes de mazana y sidre, tarta de Villaviciosa, bollinos de la güela, borrachinos d’oruxu de sidre, xelatines de mazana, o bombones rellenos de llicor de sidre.
