Apocayá más d’una decena d’años surdió ente sidreros alemanes la posibilidá de cellebrar un Díi Internacional de la Sidre / Díi Mundial de la Sidre, y propunxeron como fecha’l 3 de xunu, porque n’Alemaña escomienza nesa fecha la temporada sidrera, escomenzando a cellebrase en 2013 en Hessen –Alemaña-
Trátase d’una fecha arbitrario pero qu’adulces va siendo más asumida, porque rialmente siéntese la necesidá de cellebrar una xornada dedicada a la sidre pa reivindicar el so calter internacional y dar puxu a la so cultura y consumu.
Nel casu d’Asturies, anque la temporada sidrera escomienza davezu en San Xosé o en selmana santa, con variaciones según seya más a la mariña o al interior, pero adulces va aceptándose esta fecha –el 3 de xunu- como la del Díi Internacional de la Sidre, de tala miente, qu’a díi de güei destacamos por ser ún de los países que más enfotu pon en dar puxu a esta xornada festivu-reivindicativa.
