Xixón torna bater el so récord, con 9796 presones echando un culín na sablera Poniente
LA SIDRA.- Dientru les actividaes de la XXXI Fiesta de la Sidre de Xixón, y dempués de dos años d’andanciu nos que nun pudo cellebrase, Xixón tornó a bater el so Récord Mundial d’Echáu Simultánisu de Sidre -que non Récord Guinnes- al xuntar a 9796 presones echando un culín al empar na sablera Poniente, 75 más que l’añu anterior.
El récord tuvo abaláu pola notaría Nogales, de Xixón, que certificó’l númberu participantes. Por embargu hebio crítiques a la organización nel sen de que yera posible entrar y salir del recintu valláu ensin denguna torga, lo que permitía que la mesma presona pasare les vegaes que quinxere a recoyer la botella sidre, y a ser contabilizáu de nueu, pidiéndose una mayor seriedá y entrugándose les razones poles que nun se inscribe esta preba nel Guinnes, lo que sedríe una garantía y supondríe una publicidá munchu mayor.
Esti añu la sidre que s’echó foi Quelo DOP, la ganaora del Salón de la Sidre DOP 2022, y como ye de llei, l’actu finó col cantu al altu la lleva del hinu d’Asturies y el rigurosu ¡Puxa Asturies!
(Visited 2,985,125 times)
