Sidre pa defender la hostelería

Convocaos por Hostelería Con Conciencia, la Plaza’l Marqués, en Xixón, foi l’escenariu d’un echáu de sidre simultaniu nel que participaron llagareros y hosteleros xixoneses pa reivindicar el sofitu del Ayuntamientu Xixón énte la situación xenerada pol andanciu del Covid19 y la so xestión

Llagareros y hosteleros amestaron fuercies en Xixón pa reclamar aídes direutes a la hostelería, faciendo un echáu simultániu de sidre na Plaza’l Marqués, frente al Palaciu Revillaxixéu, mentes los camiones de los llagares -qu’aportaren la sidre- participaben xirando alrodiu.

Los hosteleros criticaren térriamente la xestión del Ayuntamientu Xixón, y proponen ente otres midíes la supresión de les tases de conceyu a los hosteleros como una amuesa de sofitu al seutor.