El Festival del Oriciu de Bañugues cellebraráse del 1 al 3 de marzu.
LA SIDRA.- El Festival del Oriciu de Bañugues –Gozón- ye ensin dala dulda cita obligada pa los amantes d’esti equinodermu, antañu de consumu xeneralizáu y anguañu tan escasu como caru.
Nesti festival, los asitentes van tener la oportunidá de tastiar una amplia variedá de platos ellaboraos con esti mariscu, dende los clásicos oricios a la chapa fasta creaciones más innovadores como l’oriciu en tempura. Too ello bien regao cola magnífica Sidra Peñón-
Amás de la deliciosa xinta, el festival ufierta tamién diverses actividaes rellacionaes cola nuesa cultura y tradición: música y danza tradicional asturiana, lo mesmo qu’ esposiciones d’artesanía llocal. Tamién s’entamen talleres y charres sobro la pesca sostenible y el caltenimientu de los recursos marinos.
La organización del Festival alvierte, qu’anque la convocatoria ye pal prósimu 1 al 3 de marzu, les condiciones metereolóxiques y l’estáu de la mar puen obligar a retrasar la so cellebración.
