Sidre bien echao y auténticu ambiente de chigre
LA SIDRA.- Desque esta sidrería pasó a manEs d’Antonio Sorca, fai tan solo dos años, el bon echáu féxóse seña d’identidá pal chigre maliayu.
El mesmu Antonio compite añalmente -con bonos resultaos- nel Campionatu d’Echaores y cunten nes sos files con una nueva promesa nel escenariu sidreru, Reynaldo Belén, que consiguió asitiase nel segundu puestu de la categoría sub-25 d’esta disciplina.
Dempués d’una década en París, trabayando n’establecimientos de tanta sonadía como’l restorán Jules Verne, que cuntaba col renomáu chef Alain Ducasse, L’Hotel Ritz de París o L´Atelier, restorán del gran cocineru Joel Robuchon, a Antonio Sorca yá-y entrara’l gustu pol sector de la hostelería.
A finales de 2019 vieno de vacancies a Asturies, ya instalóse en Seloriu, onde se namoró ca vegada más de la cultura sidrera, lo que lu impulsó a abrir un chigre piqueñu en Xixón, nel barriu la sidre, La Sidrería Boal.
Pa recibir el PDF de la revista fai falta tar dáu/da d’alta nel whatsapp de LA SIDRA
