Tastia de mazanes de sidre en Nava

El Muséu de la Sidre de Nava acoyó ayeri la primer tastia de mazana de sidre entamada pola Bona Confradería de los Siceratores d’Asturies.

LA SIDRA.- Enrique Dapena, cordinaor del programa de Fruticultura del Serida dirixó la tastia con unes races de mazana acoyíes a la DOP que “consúmense davezu y ye fácile que quien tea rellacionáu cola mazana n’Asturies les probare y pueda identificales”.

Alrodiu d’unos venti participantes prebaren y puntuaren atributos de la mazana talos comou acidez, amargor, dulzor, saborgu, fariñosidá, arume… Una esperiencia perdidáutica y participativa que prestó enforma a los asistentes y cola que se da rempuesta a la ca vuelta mayor demanda d’información alrodiu de la cultura sidrera asturiana y la necesidá de dir enartando los conocimientos afayaizos propios de sumilleres de la sidre.

Tres la tastia, los presentes ente los que se topaben llagareros, collecheros, enólogos y agrónomos, participaren nun interesante alderique sobro’l seutor sidreru.