Torna la Espicha Creativa

Dempués de trés años d’interrupción, el prósimu 20 de mayu va cellebrar la so XVII edición.

LA SIDRA.- Van ser yá 17 años d’entusiasmu, d’ellaborar espiches distintes. La idega d’una Espicha Creativa, pa los nuevos, ta basada n’una temática (onde vas poder venir o non amarutáu) y participar nos numberosos xuegos, si asina lo deseyes, que se van proponer. A la fin, polo xeneral, si completes los desafíos, vas poder optar a sorteos o ser premiáu pol meyor disfraz de la nueche.

Ainda nun tán confirmaos tolos detalles d’esta XVII edición, nin como apuntase, pero enagora podemos avanzar que se va cellebrar el 20 de mayu, nel Llagar El Trole –Cabueñes- y va cuntar cola actuación especial del grupu Los Alegales, y que’l preciu va ser de 30 euros.