Ca xueves, sidre DOP acompangada d’orixinales propuestes gastronómiques, en barra
LA SIDRA.- La collaboración del Conseyu Regulador DOP Sidra d’Asturies, Otea Xixón y el Conceyu Xixón ponen nuevamente en marcha na ciudá los “Xueves de Sidre” p’atrayer veceros a les barres y esfrutar de la sidre DOP acompañada d’una cazolina.
L’oxetivu ye dinamizar l’afluyencia veceros a les sidreríes de Xixón iscrites nel proyeutu y n’especial a les sos barres, tolos xueves por aciu la promoción, botelles de sidre DOP más una propuestes gastronómica (cazuela o asemeyao), que ca establecimientu escueye.
Xixón siempres dio muncha importancia a la sidre, por eso quierse dar un impulsu, promocionando la sidre acoyío a la DOP, y destina-y un díi a la selmana, los xueves, pa ufiertar a los veceros la oportunidá d’esfrutar de sidre DOP con un piqueñu acompañamientu de cocina.
L’únicu requisitu ye que la ellaboración pueda tastiase na barra del establecimientu, anque de forma escepcional y si l’establecimientu lo permite, podría faese tamién na mesa.
La iniciativa espublízase al traviés de la web de Otea www.otea.es y www.escapaasturias.com un apartáu onde apaez una ficha de ca establecimientu participante, incluyendo tola información del llocal, la sidre y la tapa o cazuela qu’ufierta, el so preciu y la so xeolocalización en google maps pa poder atopar el so allugamientu con toa facilidá.
Participantes:
- Restaurante Sidrería la Montera Picona
- Sidrería Restaurante Rio Astur
- Hotel la Casona de Jovellanos
- Restaurante Sidrería Rubiera
- Sidrería Restaurante El Restallu
- Restaurante Sidrería El Chisqueru
- Restaurante Sidrería Los Campinos
- Restaurante Sidrería Canteli
- Restaurantes Sidrería Gijón
- Restaurante Sidrería Llagar de Begoña
- Restaurante Sidrería Nueva Uria
- Restaurante Sidrería La Cabaña del Santu
- Hotel Arena
- Restaurante Johy-Los Manzanos
- Restaurante Parrilla Muño Poniente
- Restaurantes Muño Feijoo
- Sidrería Baleares
Pa recibir el PDF de la revista LA SIDRA fai falta tar dáu/da d’alta nel whatsapp de LA SIDRA
