VII Concursu Semeyes LA SIDRA

Continúa a bon ritmu la participación nel VII Concursu Semeyes LA SIDRA.

LA SIDRA.- Comu davezu, la participación nel VII Concursu Semeyes LA SIDRA ta algamando una perbona rempuesta, y cuandu entá nun va un mes dende qu’entamó la convocatoria son munches les semeyes presentaes, y de toles partes del mundiu, preba ello de la sonadía que va algamando esti certame que yá algama la VII edición.

Talamente comu viniemos confirmando nos dos años caberos, el fechu de que se desixa la presonación a la hora de recoyer el premiu nun ta amenorgando la participacion internacional, siendo munchos los fotógrafos que coles sos semeyes unvíenmos mensaxes manifestando les sos ganes de conocer el nuesu país o de tornar a elli.