El prósimu xueves 16 de febreru, el Clú de LA SIDRA cellebrará una visita guiada al Llagar Acebal
LA SIDRA.- Sedrá’l propiu xerente, Luis Acebal, cuarta xeneración de llagareros, quien dirixirá esta visita a esti emblemáticu llagar xixonés, ensiñándomos les sos istalaciones y presentándomos la sidre qu’agora mesmo ta nos toneles.
El Llagar Acebal anicióse a finales del sieglu XIX cuando Benito Acebal escomenzó a ellaborar sidre pa en casa, en 1925 el so fíu, conocíu como ‘El Fraile’, costruyó l’actual nave ya incorpora les prmieres prenses industriales qu’hebio n’Asturies. La tecer xeneración potenciaron y modernizaron el llagar demientres los años 70 y 80, con maquinaría pal llaváu, enllenáu y corcháu de sidre, y yá na década de los 90 tomó’l relevu la cuarta xeneración, con dedicación esclusivo al negociu de la sidre.
El llagar Acebal tien nel mercáu dos marques de sidre:
- Acebal
- El Carrascu. DOP ‘Sidre d’Asturies’
La visita guiada al llagar entamará nel mesmu llagar el xueves 16 de febreru a les 19:30 h. con horariu finalización a les 21:30 h, y como se desplicó enantes, correrá a cargu de Luis Acebal.
El númberu places ye llimitáu, y la participación na visita tien un costu de 10 €. L’ingresu hai que facelu poniendo’l nome del participante y el conceutu ‘Sidra Acebal’ nel númberu cuenta de la Fundación Asturies XXI: ES 09 0081 5157 600001228623
Más información: info@lasidra.as / Whatsapp: 652 594 983
