Inicio > Cultura sidrera > XVI Concursu Internacional de Semeyes LA SIDRA

XVI Concursu Internacional de Semeyes LA SIDRA

El vienres 29 de payares va tener llugar la entrega premios y la naguración de la esposición fotográfica na Sidrería La Galana, Xixón

VER ESPOSICIÓN

LA SIDRA.- El concursu ta entamáu pola Fundación Asturies XXI col padrociniu de Sidra JR y la collaboración principal de l’Asociación Fotográfica Asemeyando, asina como de LA SIDRA y la Sidrería La Galana.

El xuráu, presidíu por  Luis José Vigil-Escalera, Presidente d’Asemeyando y Director del Centru Espositivu FIAP de Llangréu, declaró como ganador d’esta edición a Jose Mª Molist, cola so obra ‘Trés Pomes’, otorgando coles mesmes dos accésit, el primeru p’Analia Pello, por ‘Espalmando’ y el segundu pa Natalia Ponikarova  por ‘Sidra y Cubizmo’, siendo’l premiu especial JR pa José Luis  Martínez, precisamente pola obra del mesmu nome ‘JR’.

La entrega premios va tener llugar el prósimu vienres 29 de payares a les 20 hores na Sidrería La Galana -Plaza Mayor, Xixón- coincidiendo cola naguración de la esposición coles 20 meyores obres presentaes a esti concursu internacional, nel que participaron 59 autores de países como Azerbaiyán, Brasil, Rusia, Cuba, Irán o Bangladesh que compartieron espaciu con obres veníes de llugares que mos resulten más conocíos nel ámbitu sidreru, como Portugal, Francia o Italia

Esti certame, de gran prestixu nacional ya internacional, ye l’únicu cuya temática xira alrodiu la sidre y la mazana, costituyendo toa una espresión de la cultura de la sidre.

Los asistentes al eventu recibirán un exemplar de la revista LA SIDRA del postrer mes, y una etiqueta de sidre conmemorativa, que sedrá entregada namás en dichu actu.

 

Pa recibir el PDF de la revista LA SIDRA fai falta tar dáu/da d’alta nel whatsapp de LA SIDRA

 

(Visited 2,984,250 times)